ईटहरीमा छुरा प्रहारबाट महिलाको मृत्यु

ईटहरी : सुनसरीको ईटहरी उप-महानगरपालिका-१२ हटिया लाईनमा छुरा प्रहारबाट १ जना महिलाको मृत्यु भएको छ ।

आईतबार दिउँसो करिब १ बजे स्थानीय २३ बर्षीय गणेश चौधरीले अचानक पछाडीबाट आई छुराले ढाडमा प्रहार गर्दा गम्भिर घाईते भएकी स्थानीय ५० बर्षीया भुमी कुमारी चौधरीलाई उपचारको लागि बिराट टिचिङ हस्पिटल, बिराटनगर पठाईएकोमा उपचारको क्रममा उनको मृत्यु भएको थियो ।

घटनाबारे सूचना पाए संगै तत्काल खटिएको ईलाका प्रहरी कार्यालय, ईटहरीको प्रहरी टोलीले आरोपित गणेश चौधरीलाई दिदीको घरमा लुकिछिपी बसेको अबस्थामा फेला पारी पक्राउ गरेको तथा घटना सम्बन्धमा थप अनुसन्धान भईरहेको उक्त कार्यालयले जनाएको छ ।