ग्याँस सिलिण्डरबाट हुन सक्ने दुर्घटना न्युनिकरणमा उपभोक्तालाई सचेतना

इटहरी : ग्याँस सिलिण्डरबाट हुन सक्ने दुर्घटना न्युनिकरणमा उपभोक्तालाई सचेतना गराउने उद्धेश्यले प्रिमा ग्याँस उद्योग इटहरीले बिक्रेताहरुको लागि सिलिण्डर सुरक्षा तालिम सहित अन्तरक्रिया गरेको छ । प्रिमा ग्याँस उद्योगका सञ्चालक सुदिप घिमीरेको अध्यक्षतामा तालिम सहित अन्तरक्रिया गरिएको हो ।

ग्याँस सिलिण्डरको सुरक्षा , ग्याँस सिलिण्डरबाट हुन सक्ने संभावित दुर्घटना न्युनिकरण , सम्भावित दुर्घटना नियन्त्रण तथा रोकथामका विषयमा हिमालय सेफ्टी सोलुसन प्रालि काठमाडौंका प्रशिक्षण श्याम खनाल सहित प्रिमा ग्याँस कम्पनीका प्राविधिकहरुले सहजिकरण गरेका थिए ।

विक्रेताहरुले ग्याँस सिलिण्डरको सुरक्षाका विषयमा पाएको ज्ञान उपभोक्ताहरु समक्ष पुर्याउने गरि सञ्चालन गरिएको तालिममा १सय ८७जना विक्रेता , २५ जना कर्मचारी , १० जना सुरक्षा गार्ड सहित अन्य आमन्त्रितहरु गरी कुल २सय ८२ जनाको सहभागिता रहेको प्रिमा ग्याँस कम्पनीका प्रवन्धक लक्ष्मण गिरीले जानकारी दिए । प्रिमा ग्याँसले समयसमयमा उपभोक्ताहरु लक्षित विभिन्न कार्यक्रमहरु गर्दै आएको छ ।