१०औं सचिन स्मृति दिवसको अवसरमा रक्तदान

इटहरी : १०औं सचिन स्मृति दिवसको अवसरमा सुनसरीको इटहरीमा आयोजना गरिएको रक्तदान कार्यक्रममा ५५ जनाले रक्तदान गरेका छन ।

रोटरी क्लव अफ इटहरी , रोट्याक क्लव अफ इटहरी , रोट्याक क्लव अफ सुन्दरहरैचा र रोट्याक्ट क्लव अफ सुनसरीले संयुक्त रुपमा आयोजना गरेको रक्तदान कार्यक्रममा ५५ जना महिला पुरुषले रक्तदान गरेका हुन ।

रोटरी क्लव अफ इटहरीका अध्यक्ष माधव न्यौपानेको अध्यक्षतामा भएको रक्तदान कार्यक्रममा नेपाल रेडक्रस सोसाइटी रक्तसंचार केन्द्र धरानको प्राविधिक सहयोग रहेको थियो । सो कार्यक्रममा रोटरी क्लव अफ इटहरीका पुर्व अध्यक्षहरु लक्ष्मी थेबे , विजु बैनी श्रेष्ठ , संयोग पराजुली , सुचना संयोजक सन्तवहादुर डुम्जन , आगामी अध्यक्ष कृष्ण राज श्रेष्ठ लगायतका अतिथीहरुको सहभागिता रहेको थियो । रोटरी क्लवले शिक्षा ,स्वास्थ्य , पुर्वाधार लगायतका क्षेत्रका विभिन्न सामाजिक कार्यहरु गर्दै आएको छ ।