विराटनगर : प्लाष्टिकको झोलामा पोको पारी खेतमा परालभित्र लुकाएर राखेको अवस्थामा प्रहरीले १ सय ९६ किलोग्राम गाँजा बरामद गरेको छ ।
विराटनगर महानगरपालिका १८ बाट प्रहरीले बिहान ३ बजेतिर उक्त परिमाणमा लागूऔषध गाँजा बरामद गरेको हो । तर, यसको कारोबार, ओसारपसार र भण्डारणमा संलग्न भने भेटिएनन् । मोरङ प्रहरीका प्रवक्ता डीएसपी रन्जनकुमार दाहालका अनुसार इलाका प्रहरी कार्यालय बुधनगरबाट प्रहरी वरिष्ठ नायव निरीक्षक विजय बस्नेतको नेतृत्वमा खटिएको टोलीले गाँजा बरामद गरेको जानकारी दिएका छन ।
विशेष सुराकीका आधारमा गाँजा बरामद गरिएपनि यसको ओसारपसार र भण्डारणमा संलग्नको भने पहिचान हुन बाँकी रहेको उनको भनाइ छ । गाँजा कसले ल्याएको हो भनेर पत्ता लगाउने प्रयास भइरहेको र कारोबारीको खोजी जारी रहेको डीएसपी दाहालले बताए ।
प्रतिक्रिया दिनुहोस
Copyright © 2019 / 2024 - Newpati.com - All rights reserved