टि-ट्वान्टी क्रिकेटमा नेपालको किर्तिमानी प्रदर्शन

Web Pic

इटहरी : चीनमा जारी १९ औं एसियन खेलकुद अन्तर्गत पुरुष क्रिकेट प्रतियोगितामा नेपालले मंगोलियालाई २० ओभरको खेलमा २७३ रनले पराजित गरेको छ ।

टस हारेर पहिले ब्याटिङको निम्तो पाएको नेपालले कुल २० ओभरमा ३ विकेट गुमाएर किर्तिमानी ३१४ रन बनाएको थियो । जवाफमा मंगोलियाले १३.१ ओभरमा सबै विकेट गुमाउँदै ४१ रन मात्र बनाउन सक्यो । 

सो खेलमा नेपालले विभिन्न विश्व किर्तिमान समेत बनाउन सफल भएको छ ।

२० ओभरको खेलमा सर्वाधिक रन: ३१४/३

२० ओभरको खेलमा सबैभन्दा धेरै रनले जित: २७३ रन

२० ओभरको खेलमा आफ्नो इनिङ्गमा सर्वाधिक छक्का: २६ 

२० ओभरको खेलमा सबैभन्दा थोरै बलमा ५० रन बनाउने खेलाडी: दिपेन्द्र सिंह ऐरी ९ बल

२० ओभरको खेलमा सबैभन्दा थोरै बलमा १०० रन बनाउने खेलाडी: कुशल मल्ल ३४ बल

नेपालको दोस्रो खेल आइतबार माल्दिभ्स संग हुनेछ। खेल नेपाली समय अनुसार बिहान ६:४५ बजे देखि सुरु हुनेछ ।