इनरुवा : आफूहरुले बचत गरेको रकम सुनसरीको इटहरीमा रहेको अम्बे कोशी बचत तथा ऋण सहकारी संस्थाले फिर्ता माग्दा नदिएको भन्दै बचतकर्ताहरुले कोशी प्रदेश सहकारी रजिष्टार तथा प्रशिक्षण कार्यालय इनरुवाको ध्यानाकर्षण गराएका छन ।
लामो समय देखि आफुहरुले गर्दै आएको बचत रकम फिर्ता मागेपनि अम्बे कोशी बचत तथा सहकारीले फिर्ता नदिएको भन्दै पिडितहरुले सहकारी रजिष्टार तथा प्रशिक्षण कार्यालय इनरुवाको ध्यानाकर्षण गराएका हुन । पिडितहरुले प्रदेश सहकारीको कार्यालयमा पुगेर पिडितहरुले अम्बे सहकारी विरुद्ध नारावाजी गरेका थिए । सहकारी पीडितहरुले अम्बे कोशी बचत पीडित सर्घष समिति नै वनाएर आफुहरुले जम्मा गरेको रकम फिर्ता पाउनु पर्ने माग गरेर संघर्ष गर्दै आएका छन ।
उनीहरुले बचतकर्ताको रकम फिर्ता गर , संचालक समितिको तीन पुस्ते सम्पती रोक्का गर, लेखापरिक्षण प्रतिवेदन सार्वजनिक गर, संचालक समिति मुर्दावाद लोखिएको प्लेकार्ड सहित नारावाजी गरेका थिए । सहकारी संस्थाले बचतकर्ताको रकम फिर्ता नगर्दा पाँच हजार बढी सेवाग्राहीहरू मारमा परेको उनीहरुले दावी गरेका छन ।
बचत रकम फिर्ताको माग गर्दै आएका बचतकर्ताको रकम फिर्ता नदिएर बजारमा दैनिक र साप्ताहिक बचत भने संकलन गरिरहेको उनीहरुको आरोप रहेको छ । बचतकर्ताहरु सहकारीविच वार्ताका लागि आफुहरुले पहल गरिरहेको सहकारी प्रशिक्षण कार्यालयका शिव नेपालले जानकारी दिए । केही महिना देखि बचतकर्ताहरु अम्बे सहकारीमा बचत रकम फिर्ता माग्दै आएका छन ।
प्रतिक्रिया दिनुहोस
Copyright © 2019 / 2024 - Newpati.com - All rights reserved
